भरतपुर महानगरपालिका–२३ सिद्धार्थ चोकका एक जनाको माछा मार्ने क्रमम डुबेर मृत्यु भएको छ।
जिल्ला प्रहरी कार्यालय चितवनका अनुसार चितवन राष्ट्रिय निकुञ्ज नजिकैको राप्ती नदीमा डुबेर सोही ठाउँमा ६३ वर्षीय बमबहादुर बलको मृत्यु भएको हो। आइतवार साँझ माछा मार्ने क्रममा एक्कासी नदीको भँगालोमा परेर बलको मृत्यु भएको प्रहरीले जानकारी दिएको छ। उनको शवलाई पोष्टमार्टमका लागि भरतपुर अस्पतालमा ल्याइएको छ।
राप्ती नदीमा माछा मार्ने, पौडी खेल्ने क्रममा डुबेर र गोही तथा वन्यजन्तुहरुको आक्रमणमा परेर समेत मानिसको ज्यान जाने गरेको छ।
