कोरोना भाइरस

कोरोना भाइरसबाट मृत्यु हुनेको संख्या १३०० पुग्याे, एकैदिन दुई सय ४२ जनाको मृत्यु

५० हजार बढी संक्रमित

चीनको हुबेई प्रान्तमा कोरोना भाइरसको संक्रमणबाट एकैदिन दुई सय ४२ जनाको मृत्यु भएको छ। चिनिया स्वास्थ्य अधिकारीका अनुसार यो संख्या अहिलेसम्मको सबैभन्दा धेरै हो। उनीहरुका अनुसार मृत्यु हुनेको संख्या १३०० पुगेको छ।

त्यस्तै संक्रमण हुनेको संख्या पनि ह्वातै बढेको बताइएको छ। बुधबार थप १५ हजार जनामा कोरोना भाइरसको संक्रमण देखिएको छ। यो संख्या ५० हजार नाघेको स्वास्थ्य अधिकारीले जनाएका छन्।

त्यस्तै विश्व स्वास्थ्य सङ्गठन (डब्लूएचओ)ले जेनेभामा भाइरसबारे विषेश सम्मेलनको आयोजना गरेको छ। सम्मेलनमा टेड्रोस अधनोम घेब्रेयेसुसले भाइरसविरुद्ध लड्ने मौकाको रूपमा लिनुपर्ने बताए। ‘हामीले अहिले नै त्यसका लागि लगानी ग¥यौँ भने हामीले यो नियन्त्रण गर्ने मौका पाउने छौं,’ उनले भने।

यो भाइरसको सङ्क्रमण सन् २०१९ को डिसेम्मबरमा चीनको उहानबाट देखिन थालेको हो भने यसको पहिचान पहिलो पटक डिसेम्बर ३१ मा भएको थियो।

यो कोरोना भाइरसको प्रकोप नियन्त्रणका विश्वका नेताले सहयोग गर्ने आश्वासन चीनलाई दिएका छन्। चीनलाई मङ्गलबार मात्र ग्रुप–७७ समूह, संयुक्त राष्ट्रसङ्घ तथा संयुक्त राज्य अमेरिकाले पनि सहयोग गर्ने जनाएका हुन्।

यो सामाग्री पढेर तपाईलाई कस्तो महसुस भयो ?

नयाँ मिडिया

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा मध्य तथा सुदुर पश्चिम केन्द्रित समाचार पोर्टल अपिखबर डटकम पनि सञ्चालनमा छ। साथै चाैविसै घण्टा लाइभ प्रसारण हुने नयाँ मिडिया- अनलाइन रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि अर्काइभका रूपमा रहन्छन ।

View all articles by
बिहि, फाल्गुन १, २०७६ (February 13, 2020, 9:42 am) मा द्वारा अन्तर्राष्ट्रिय अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै