Kanoon Post
मङ्लबार, फाल्गुन १५, २०८०/ February 27, 2024,
मङ्लबार, फाल्गुन १५, २०८०

वडा कार्यलय सगै “राउन्ड टेबल २७”

झापा ।

लकडाउन लम्बिएसँगै बिपन्न वर्गमा खाद्यान्न संकट जटिल बन्दै गएको छ । सरकारले उद्योग र निर्माण कार्य सुचारु गर्न दिने निर्णय सार्वजनिक गरे पनि व्यवहारमा लागू हुन नसक्दा दैनिक ज्याला मजदूर थप संकटमा परेका छन्।

सरकारले राहत वितरण प्रक्रियालाई एकद्वार बनाएपनि खासै प्रभावकारी देखिदैन। झापा बिर्तामोड नगरपालिकाले भने स्थानिय “राउन्ड टेबल-२७” लाई राहत वितरण गर्न अनुमती दिएको छ।

बिर्तामोड नगरपालिका वडा नम्बर- ३ ले आफ्ना वार्डका अति बिपन्न २० परिवारलाई नगरपालिकाले तय गरे बमोजिमको राहत सामाग्री वितरण गर्न अनुमति दिएको हो।

सरकारी निकायसँगै मिलेर काम गर्न पाएकोमा आफुहरु हर्षित भएको सस्थाका अध्यक्ष सुमित मंगलले बताए। ‘सरकारी निकायले सामाजिक संस्थाहरुसगँ साझेदारी गर्दै काम गरेर एउटा फरक सन्देश दिएको छ, उहाँहरु सगै मिलेर काम गर्न पाँउदा हामिलाई खुशी लागेको छ’, अध्यक्षले मंगलले भने।

राहत वितरण मात्रै नभई सामुदायिक हितका अन्य काममा पनि आफुहरु सरकारका निकायहरू सहकार्य तयार रहेका टेबलका कार्यक्रम संयोजक मिजास पोख्रेलले बताए।

राउन्ड टेबल-२७ ले यसअघि बिर्तामोड प्रहरी कार्यलयमा “डिसइन्फेक्सन बुथ” समेत निर्माण गरेको छ।

सोहिक्रममा चेक बुझ्दै बिर्तामोड नगरपालिका वडा नम्बर ३ का प्रतिनिधिले राज्यलाई अप्ठ्यारो परेको समयमा सबैले सहयोग गर्नुपर्ने बताए।

तस्बिर: शरद जोशी

प्रतिक्रिया

सम्बन्धित समाचार

ताजा अपडेट


Naya Media

सञ्चालक
एक्टिभ प्रेस प्रा.लि.

सम्पादक
निम क्षेत्री

सुचना बिभाग दर्ता नं.
९८१-०७५/०७६

nayamedia.com@gmail.com

© 2016 - 2024 Active Press Pvt.Ltd. All Rights Reserved.

Discover more from NayaMedia

Subscribe now to keep reading and get access to the full archive.

Continue reading