लुकास माउराले दोस्रो हाफमा दुई गोल गरेपछि प्रिमियर लिगअन्तर्गत गएराती भएको खेलमा टोटनहमले म्यानचेष्टर युनाइटेडलाई ३-० ले हराएको छ।
युनाइटेडको घरेलु मैदान ओल्ड ट्राफोर्डमा भएको खेलमा टोटनहमले सबै गोल दोस्रो हाफमा गरेको थियो।
लण्डन क्लबका लागि लुकास माउराले दुई तथा ह्यारी केनले एक गोल गरे।
५०औँ मिनेटमा केनले गोल गर्दै टोटनहमलाई अग्रता दिलाए। माउराले ५२औँ र ८४औँ मिनेटमा गोल गरे।
यस सिजनमा टोटनहमको यो लगातार तेस्रो जित हो। टोटनहमसँगै लिभरपुल, चेल्सी र वाटफोर्डले मात्र लगातार तीन खेल जितेका छन्।
३ जितपछि ९ अंक जोडेको टोटनहम गोलअन्तरमा लिभरपुलभन्दा पछि रहदै दोस्रो स्थानमा छ।
