रोनाल्डोको गोलसँगै फियोरेन्टिनामाथि युभेन्ट्सको रवाफ

 रोजाईका स्ट्राईकर क्रिस्टियानो रोनाल्डोले गोल गरेको खेलमा इटालियन सिरि एको साविक विजेता युभेन्ट्सले फियोरेन्टिनालाई ३–० गोलले हराएको छ ।

फियोरेन्टिनाको घरेलु मैदानमा शनिबार राती भएको एकपक्षीय खेलमा युभेन्ट्सका लागि रोड्रिगो बेन्टानकुरले ३१औं मिनेटमा खाता खोले । पहिलो हाफमा १–० ले अगाडी बढेको युभेन्ट्सले दोस्रो हाफमा दुई गोल थपेको थियो ।

६९औं मिनेटमा जर्जियो चिलिनीले गोल गर्दै युभेन्ट्सको अग्रता दोब्बर बनाए । त्यसपछि ७९औं मिनेटमा क्रिस्टियानो रोनाल्डोले एक अर्को गोल थपेका थिए । रोनाल्डोले पेनाल्टीमा गोल गरेका थिए । रोनाल्डोले युभेन्ट्सका लागि पहिलो सिजनमै १० गोल गरिसकेका छन् ।

उपाधि रक्षाको दौडमा रहेको युभेन्ट्सले १४ खेलमा आफ्नो अपराजित यात्रा कायम राखेको छ । एक खेलमात्र बराबरी खेलेको युभेन्ट्सको ४० अंक छ । युभेन्ट्स दोस्रो स्थानमा रहेको नापोलीको एक खेल कम खेल्दै २९ अंक छ । फियोरेन्टिनाले १८ अंक बनाएको छ ।

सिरिए अन्तर्गतनै शनिबार राती भएको अर्को खेलमा साम्पडोरियाले बोलोग्नालाई ४–१ गेलले हरायो । इमपोली र एसपीएएलले २–२ गोलको बराबरी खेल्दै अंक बाँडेका छन् ।एजेन्सी

यो सामाग्री पढेर तपाईलाई कस्तो महसुस भयो ?

View all articles by
आइत, मंसिर १६, २०७५ (December 2, 2018, 8:49 am) मा द्वारा खेलकुद अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै