इङ्लिस प्रिमियर लिगको शीर्ष टोली म्यानचेस्टर सिटीले आफ्नो अपराजित यात्रालाई कायमै राखेको छ ।

लिग अन्तर्गत मंगलबार राती भएको खेलमा सिटीले वाटफोर्डलाई उसैको मैदानमा २–१ गोलले पराजित गर्यो । उपाधि रक्षाको दौडमा रहेको सिटी यस जितसँगै १५औं खेलसम्म अपराजित रहेको छ ।

सिटीले ४०औं मिनेटमा लेरोए सानेको गोलबाट अग्रता बनाएको थियो । सानेले रियाद महारेजको पासलाई सदुपयोग गरेका थिए । ५१औं मिनेटमा रियाद महारेजले गोल गर्दै सिटीको अग्रदा दोब्बर बनाए । रियादले गाब्रियल जेससको पासलाई गोल गरेका थिए ।

बलियो सिटीको दवाव झेलेको वाटफोर्डका लागि ८५औं मिनेटमा एबिडौलाय डाउकोरेले सान्त्वना गोल गर्दै टोलीलाई खेलका फर्काउने प्रयास गरे । तर अन्तिममा सिटीले रक्षात्मक खेल खेल्दै टोलीको जित सुनिश्चित बनायो ।

जितसँगै शीर्ष टोली सिटीले १५ खेलबाट ४१ अंक बनाएको छ । सिटीले दोस्रो स्थानमा रहेको लिभरपुलसँगको दुरी ५ अंकले बढाएको छ । २० अंक बनाएको वाटफोर्ड ११औं स्थानमा छ ।

मंगलबार रातीनै भएको अर्को खेलमा १० खेलाडीमा समेटिएको ब्राइटन होभ अल्वियोनले क्रिस्टल प्यालेसलाई ३–१ गोलले हरायो । ब्राइटनका ग्लेन मुरे, लियोन बालोगन र फ्लोरिन एन्डनले गोल गरे ।

क्रिस्टलका लुका मिलिभोजेभिकले सान्तवाना गोल फर्काएका थिए । २८औं मिनेटमा ब्राइटनका सेन डफीले रातो कार्ड खादै मैदान छाडेका थिए । जितपछि ब्राइटन २१ अंक जोडेर १०औं स्थानमा उक्लिएको छ । क्रिस्टल प्यालेस १२ अंकका साथ १५औं स्थानमा छ । अन्य खेलमा वेस्टहाम युनाइटेडले कार्डिफ सिटीलाई ३–१ गोलले पराजित ग¥यो । बर्नमाउथले हडल्र्सफिल्डलाई २–१ गेलले हरायो ।एजेन्सी