सहकारी जेसिज कप २०७७ मा चौथो दिनको खेलमा कैलाली नेशनल , कैलाली पब्लिक र नमुना विजयी भएका छ्न ।
आज भएको पहिलो खेलमा कैलाली नेशनल मोतिपुर र स्वयभुनाथ बीच भएको खेलमा कैलाली नेश्नल एकेडेमी ३३ रनले बिजयी भएको छ । कैलाली नेशनलका तपेन्द्र शाहीले २६ रन बनाए । स्वयम्भुनाथका सुशान्त रावलले १२ रन बनाएका थिए । कैलाली नेशनलका सुरिन रावल सुशान्त सोडारीले समान २ /२ विकेट लिएका थिए भने उक्त खेल कैलाली नेशनल ३३ रनले विजयी भयो ।
दोस्रो खेलमा कैलाली पब्लिक र पानशदीप स्कुलबीच भएको हो । १५ ओभरमा कैलाली पब्लिकले १ सय २५ रन बनायो कैलाली पब्लिकका लागि हेमन्त रोकायले ५२ रन अर्थात अर्धशतक प्रहार गर्दै प्रतियोगितामा दोस्रो अर्धशतक बनाउने खेलाडी बन्न सफल भए । कैलाली पब्लिकका प्रेम न्यौपानेले २३ रन बनाए । पानशदीपका प्रकाश बिष्ट र तपेश केसीले १/१ विकेट लिए । पानश बोर्डिङ स्कुलका निराजन गिरीले नट आउट २२ रन बनाउन सफल भए । कैलाली पब्लिकका दिनेश खड्का , प्रेम न्यौपाने र रमेश जोशीले २/२ विकेट हात पार्न सफल भए । उक्त खेल कैलाली पब्लिक स्कुलले ४४ रनले विजयी भयो । तेस्रो खेलमा पायनियर्स एकेडेमी र आदर्श नमुना स्कुलबीच भएको खेलमा आदर्श नमुना स्कुलले १५ ओभरमा ९ विकेट गुमाउँदै ८५ रन बनायो । नमुना स्कुलका प्रेम न्यौपानेले नट आउट १७ रन बनाए । पायनियर्स स्कुल लम्कीका दिपक रेग्मीले ४ विकेट र सुजन ओलीले ३ विकेट हात पार्न सफल भए । पायनियर्स एकेडेमी लम्कीका १६ रन बनाए । नमुनाका चेतन लामिछाने , प्रेम न्यौपाने , उपेन्द्र लामिछाने , लक्ष्मण चौधरीले समान १/१ विकेट लिए । उक्त आदर्श नमुना स्कुल लम्कीले १४ रनले विजयी भयो । यस्तै बुधबार हुने पहिलो खेल स्वयम्भुनाथ स्कुल र आर एमइ स्कुल टीकापुर , दोस्रो खेल उज्यालो शिक्षा सदन लम्की र दशरथ मावि साडेपानी र तेस्रो खेल नाता एकेडेमी लम्की र ब्राइट फ्युचर स्कुल लम्कीबीच हुने अफिसियल प्रमोद आचार्यले जानकारी दिए ।। लम्की जेसिज मुख्य आयोजक रहेको खेलमा सह – आयोजक लम्कीमा रहेको किसान बहुउद्देश्यीय सहकारी संस्था रहेको छ । प्रथम संस्करणको किसान सहकारी जेसिज क्रिकेट कप प्रतियोगितामा कैलालीको लम्कीचुहा नगरपालिका क्षेत्रका स्कुलहरू , बर्दगोरिया गाउँपालिका क्षेत्रका स्कुलहरू , टीकापुर नगरपालिका क्षेत्रका स्कुलहरूबाट १८ वटा विद्यालयबाट १८ वटा टीमको सहभागीता रहको छ ।
