रमेश बजगाइ ,मंसिर १४ लम्की
कैलालीको टिकापुर नगरपालिका का प्रमुख प्रशासकीय अधिकृत धुर्बराज आचार्य लाइ “इन्टेग्रीटी आइडल’ २०१८ बनाउन स्थानीय स्तरमा क्याम्पेन नै सुरु भएको छ ।
टिकापुर र लम्की क्षेत्रमा युवा हरुले उत्कृष्ट ५ मा पर्न सफल आचार्य बिजेता वनाउन विभिन्न माध्यम बाट भोट मागेका छन ।
उहाँ लाई भोट गर्न मोबाइलको म्यासेज बक्समा गइ INN टाइप गरि एक स्पेस दिएर 2 लेखी 34001 मा send गर्नु पर्छ ।
साथै www.integrityidol.org मा गइ धुर्ब राज आचार्य लेखेको फोटो तल vote लेखेको ठाउमा क्लिक गरि मंसिर १७ गते राती १२ बजे सम्म भोट दिन सकिने छ ।
२०३८ सालमा सुर्खेतको गर्पन (हाल वीरेन्द्रनगर नगरपालिका–१६) मा जन्मिएका आचार्यले नेपाली र समाजशास्त्र विषयमा स्नात्तकोत्तर तह उत्तीर्ण गरेका छन् । हाल कानूनको अध्ययन गरिरहेका प्रमुख प्रशासकीय अधिकृत आचार्य राष्ट्रसेवक कर्मचारीले आफ्नो तोकिएको जिम्मेवारी पूरा गर्दा सेवाग्राही हितलाई पहिलो प्राथमिकता दिनुपर्ने मान्यता राख्दछन् ।
३७ वर्षीय आचार्यले खरिदारबाट सरकारी सेवा आरम्भ गरी हाल उपसचिवका रूपमा काम गरिरहेका छन् । जनताको सेवा गर्ने, मित्रहरू बनाउने र मौका मिले भ्रमण गर्ने रुचि भएका आचार्य सबै तहका सरकार र तिनका सबै अंगहरूमा सुशासन भए मात्रै नागरिकको विश्वास बढने र संघीयता सफल हुने विश्वास गर्छन् ।
शुक्रबार, मंसिर १४, २०७५, ।
