संस्मरण

स्वर्गकी अप्सरा रारा, संरक्षणको प्रखाईमा, सरकारले चिन्न नसकेको ठाउँ

रारा ताल अवलोकनका लागि सरकारले विदेशी पर्यटकको खासै मन तान्न सकेको छैन

नेपालकै सबैभन्दा ठूलो र प्रसिद्ध तालको रुपमा रारा ताललाई लिइन्छ । मुगु जिल्लामा रहेको रारा ताललाई राजा महेन्द्र बीरबिक्रम शाहले वि.स २०२० सालमा स्वर्गकी अप्सरा भनेर नामकरण गरेका थिए ।राजा महेन्द्रले अप्सरा नाम दिएपछि राराको झन् महत्व बढ्दै गएको पुरानो किम्बदन्ती छ । समुन्द्र सतहबाट २९ सय ९० मिटरको उचाइमा रहेको रारा ताल जान अहिले सहजता समेत भइसकेको छ ।रारा तालको लम्बाई ३.२ किलोमिटर र गहिरा १ सय ६७ मिटर छ । रारा ताल कुल १०.८ किलोमिटरमा फैलिएको छ ।

तर,हामी त्यहाँ पुग्दा लाग्यौं कि रारा ताल अवलोकनका लागि सरकारले विदेशी पर्यटकको खासै मन तान्न सकेको छैन । अर्को कुरा आन्तरिक पर्यटकले पनि सिजनको बेला सहजै बासपाउने अवस्था छैन । रारा तालको छेउमै डाफे होटल लगायत दुई वटा मात्रै बास बस्ने ठाउँ छ । भएको ती होटलमा पनि प्रसस्त मात्रामा रुम छैन ।

होटलले आएका पाउनालाई खानपिन का लागि बाहिर राख्ने गर्छ । रारा ताल जानको लागि हवाई तथा स्थल मार्ग दुबै प्रयोग गर्न सकिन्छ । यही तालको पुरा आकृती हेर्नको लागि समुन्द्री सतहबाट करीब ४ हजार मिटर उचाईमा रहेको मुर्मा टप नै उपयुक्त स्थल हो । घामको किरण अनुसार राराले आफ्नो साझ एउटा र बिहान अर्को कलर फेर्ने गर्दछ । नेपालको सबै भन्दा ठूलो रारा तालमा जति बाह्य पर्यटकका आगमन हुनुपर्ने हो त्यति हुन सकेको छैन । तर स्वदेशी पर्यटकको भने उल्लेखनीय रुपमा आगमन हुने गरेको छ ।

मैले दुई बर्ष अघि देखि रारा जाने निर्णय गरेको थिए तर यतिबेला नेपाली काँग्रेसका नेता महासमिति सदस्य दाजु कमल बहादुर शाहले मेरो यो रहर पुरा गर्नु भएकोमा निकै आभारी छु।दाजु सँगै हामी दस जनाको टोली थियोे ।यहाँदेखि हिडे देखि फर्केर यहाँ पुग्दा सम्म यात्रालाई सहज बनाउन हामी दस जनाको उतिकै महत्त्वपूर्ण भुमिकामा थियौ।सायद नेपालको घुम्ने ठाउँ कहि हो भने रारा हो ।
बाटोभरि अनुभव संगालेका धेरै कुरा लेख्न रहर छ तर अहिले यति भन्छु कि कर्णाली प्रदेशमा सरकारले आँखा कहिले पुर्‍याउन सक्दैन यो अत्यन्तै दुखद कुरा छ।जे जस्तो भए पनि सकिन्छ भने तपाईं पनि एकपटक यात्रा गर्नुहाेला ।

यो सामाग्री पढेर तपाईलाई कस्तो महसुस भयो ?

हृदय उपाध्याय

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा चाैविसै घण्टा लाइभ प्रसारण हुने नयाँ रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि हेर्न सकिन्छ ।

View all articles by
शनि, कार्तिक ८, २०७७ (October 24, 2020, 1:51 am) मा द्वारा पर्यटन अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै